Kuri uyu wa Kabiri tariki 22 Nyakanga 2025,Intumwa za Rubanda mu Nteko Ishinga Amategeko bari muri Komisiyo y'Ubumwe bw'Abanyarwanda, Uburengenzira bwa muntu no kurwanya Jenoside basuye Umusozi w'Ubumwe mu Murenge wa Masaka, Akagari ka Rusheshe n'ibikorwa bihakorerwa. Iri tsinda rikaba ryari riyobowe  na Hon. Madine Ndangiza .

Mu bandi bari muri iri tsinda harimo:

1.Hon. Gloriose Sibobugingo 

2.Hon. Alphonsine Mukamana 

3.Hon. Thérence Kayigire 

Aba Badepite bakiriwe n’Umuyobozi w’Imirimo rusange mu Karere ka Kicukiro MURENZI M. Donatien, aho  basuye inzu y'amateka iri ku musozi w'ubumwe muri uyu Murenge wa Masaka , aha bakaba bumvise ubuhamya bw'uwarokotse Jenoside yakorewe Abatutsi  witwa Umurerwa Claudine n'abagize uruhare muri Jenoside bagafungurwa barangije igihano aribo Hitamalayika J.M.V ndetse  banasura umuryango w'uwarangije igihano witwa Uwimana Pascal.

Aba Badepite  basoje uruzinduko bashimye igikorwa cy'umusozi w'ubumwe banasaba ko gahunda y'umusozi w'ubumwe ikwira hose abanyarwanda bakabana batishishanya.