Kuri uyu wa Kabiri tariki 13 Gicurasi 2025, Ubuyobozi bw’Akarere ka Kicukiro bwakomeje gahunda yo gukurikirana ibikorwa by’ubuhinzi hirya no hino mu Mirenge harebwa uko igihembwe cy’ihinga cya 2025 B kirimo kugenda.

Bimwe mu bikorwa binini by’ubuhinzi biri mu Karere ka Kicukiro harimo ubuhinzi bukorwa na Koperative “COMSS” yo mu Murenge wa Masaka , ikaba ihinga Umuceri kuri Hegitari 78, Ibigori  kuri Hegitari 25 n’amashaza kuri Hegitari 25 mu gishanga cya Rugende. 

N’ubwo ibikorwa by’ubuhinzi muri iki gihembwe biri ku rwego rushimishije ariko abahinzi baributswa gushaka ubwishingizi bw’ibihingwa muri gahunda ya “Tekana urishingiwe Muhinzi Mworozi”, ibi bikaba ari mu rwego rwo guhangana n’impinduka zirimo Ibiza ndetse n’imihindagurikire y’ibihe ishobora gutuma abahinzi bahura n’ibihombo akaba ari yo mpamvu bashishikarizwa kugana ibigo by’ubwishingizi bakabaho bizeye umutekano w’ibihingwa byabo.