Kuri uyu wa Kane tariki 26 Kamena 2025, Itsinda ry’abakozi b’Akarere ka Nyamagabe riyobowe n’Umunyamabanga Nshingwabikorwa w’Akarere SAMVURA Valens, bakoreye  Urugendoshuri mu Karere ka Kicukiro.

Uru Rugendoshuri rwari rugamije kureba uko Akarere gashyira  mu bikorwa ingamba zo gukura abaturage mu bukene ndetse n’imitangire ya Serivisi muri rusange.

Umuyobozi Nshingwabikorwa w’Akarere ka Kicukiro MUTSINZI Antoine wakiriye iri tsinda yashimye Ubuyobozi bw’Akarere ka Nyamagabe bwahisemo gusura Akarere ka Kicukiro, abagaragariza ibimaze kugerwaho mu kwimakaza imiyoborere myiza, Kunoza Serivisi ndetse no gufasha abaturage kwikura mu bukene ku buryo burambye.

Umuyobozi Nshingwabikorwa w’Akarere kandi yagaragarije iri tsinda ikoranabuhanga ryakozwe n’Akarere ku bufatanye n’Abafatanyabikorwa mu iterambere ry’Akarere “JADF” hagamijwe guhuza ibikorwa, gutanga Raporo no kugaragaza ibikorwa byihutirwa kurusha ibindi, iri Koranabuhanga rikaba ryarahinduye imikoranire y’izi nzego zombi kandi rikaba ritanga umusaruro.

Abakozi b'Akarere ka Nyamagabe basuye Akarere ka Kicukiro