Kuri uyu wa Kane, mu Murenge wa Gahanga twibutse Abazize Jenoside Yakorewe Abatutsi biciwe i Gahanga no mu nkengero zaho baruhukiye mu Rwibutso rwa Jenoside rwa Gahanga.

Iki gikorwa cyitabiriwe n'Abayobozi mu nzego zitandukanye, ndetse n'abaturage. Umuyobozi w'Umujyi wa Kigali wungirije Ushinzwe Ubukungu n'Imibereho y'Abaturage, Madamu Urujeni Martine, yibukije ko Jenoside mu Murenge wa Gahanga no mu nkengero zaho yakoranywe ubugome bw'indengakamere. 

Yashimiye ingabo za RPF-Inkotanyi zahagaritse Jenoside Yakorewe Abatutsi, abarokotse bataheranwe n'agahinda, n'Abanyarwanda muri rusange bakomeje kugaragaza ubumwe n'ubudaheranwa.

Visi Perezia w’Umutwe w’Abadepite ushinzwe amategeko no kugenzura ibikorwa bya Guverinoma, Madamu Uwineza Beline, nawe witabiriye iki gikorwa yasabye abaturage kurwanya ingengabitekerezo ya Jenoside no gusobanurira abato amateka y'u Rwanda.

Urwibutso rwa Jenoside rwa Gahanga ruruhukiyemo imibiri irenga 16.000. Kuri uyu munsi hashyinguwe mu cyubahiro indi mibiri 12.

Visi Perezida  w'inteko ishinga amategeko  ushinzwe amategeko no kugenzura ibikorwa bya Guverinoma Madamu Uwineza Beline(Ubanza i bumoso), Umuyobozi w'Umujyi wa Kigali wungirije Ushinzwe Ubukungu n'Imibereho y'Abaturage( Hagati) Madamu Urujeni Martine ndetse  n'Umuyobozi Nshingwabikorwa w'Akarere ka Kicukiro  Bwana MUTSINZI Antoine 

Urwibutso rwa Jenoside yakorewe Abatutsi rwa Gahanga ruruhukiyemo imibiri irenga 16.000

Abato basabwe kumenya amateka y'u Rwanda no kurwanya abayagoreka

Abitabiriye igikorwa cyo Kwibuka

Visi Perezida  w'inteko ishinga amategeko  ushinzwe amategeko no kugenzura ibikorwa bya Guverinoma Madamu Uwineza Beline