Kuri uyu wa Gatatu, tariki ya 14 Ukwakira 2026, Umuyobozi w’Umujyi wa Kigali wungirije ushinzwe ubukungu n’imibereho myiza Madamu URUJENI Martine ari kumwe n’Umuyobozi Nshingwabikorwa w’Akarere ka Kicukiro, Bwana Mutsinzi Antoine, bifatanyije n’abaturage b’Umurenge wa Kagarama mu gutangiza igihembwe cy’ihinga cya A2027.

Mu gutangiza iki gikorwa  hatewe imbuto y’ibigori yo mu bwoko bwa “Hybrid WH507”.

Mu butumwa bwatanzwe, abayobozi bashishikarije abahinzi kwiteganyiriza no gukora bashyizeho umwete, bibutswa ko ubuhinzi bukozwe Kinyamwuga bushobora gutunga ababukora. Babasabye kandi gukomeza gukoresha Inyongeramusaruro ziteganyijwe kuri buri gihingwa no gukoresha neza imiti y’ubuhinzi, birinda ingaruka zishobora guterwa n’imikoreshereze yayo itari yo.

Abahinzi bibukijwe kandi kubyaza umusaruro ubutaka bwose bugenewe guhingwa, gukora uturima tw’igikoni no gukoresha uburyo bwo guhinga mu mifuka.

Ibi bigamije gufasha abaturage kwihaza mu biribwa no gusagurira amasoko, bityo ubuhinzi bukarushaho kugira uruhare mu iterambere ryabo.