Mu Murenge wa Gahanga, hakozwe inteko y’amahoro, n’umunsi wemejwe n’Inama Njyanama y’Umurenge wa Gahanga wemejwe ku wa 26/5/2019 n’Umwanzuro No 001/04/02/2021.

Umushyitsi Mukuru akaba n'Umuyobozi w’Imirimo Rusange mu Karere ka Kicukiro bwana Murenzi Donatien ashimira abaturage b’Umurenge wa Gahanga

Uyu munsi wabimburiwe no kuhira amazi igiti cy’amahoro Umuyobozi w’Imirimo rusange akaba yifatanyije n’abaturage b’Umurenge wa Gahanga hakaba hitabiriye n’abaturage, abayobozi mu nzego zitandukanye ,inzego z’umutekano Polisi, Ingabo n’abandi…

Umuhango urasozwa n’ubusabane ,abana bahabwa amata, hakinwa n’umupira w’amaguru.

Umunyamabanga Nshingwabikorwa w’Umurenge wa Gahanga bwana Rutubuka Emmanuel ari kuhira igiti igiti cy’Amahoro(Photo:Akarere ka Kicukiro).

Ngarambe Francois na Bucyana Innocent barimo kuhira igiti cyabo cy’amahoro(Photo:Akarere ka Kicukiro) .

Umunyamabanga Nshingwabikorwa w’Umurenge wa Gahanga bwana Rutubuka Emmanuel  atanga ijambo ry’ikaze(Photo:Akarere ka Kicukiro)

Inzego z’umutekano zitabiriye uyu muhango(Photo:Akarere ka Kicukiro)

Habayeho no gutarama (Photo:Akarere ka Kicukiro)

Ngarambe Francois yicaranye na Bucyana yahaye imbabazi.Ngarambe yicaye mu birori(Photo:Akarere ka Kicukiro)  

Ngarambe na Bucyana batanga ubuhamya(Photo:Akarere ka Kicukiro)

Itorero ryasusurukije abaturage byari ibyishimo (Photo:Akarere ka Kicukiro)

Umuturage Ngarambe Francois yahaye imbabazi Bwana Bucyana Innocent wamwiciye ababyeyi igihe cya Jenoside yakorewe abatutsi mu mwaka 1994.
Izo mbabazi zikaba zaratanzwe taliki 26/5/2019. Ubuyobozi bwamushimiye yahawe umudali w’ishimwe;

Ngarambe Francois Xavier na Bucyana Innocent (Photo:Akarere ka Kicukiro)

Uyu Ngarambe mu buhanya yatanze avuga ko muri jenoside yakorewe Abatutsi muri 1994, yabonye ababyeyi be bicwa kandi biciwe hamwe, ariko yahisemo gukora urugendo rw’isanamitima ku ubumwe n’ubwiyunge, ni naho yatangiye kuzirikana abakiri bato nk’umuntu wari ikinege atangiza gahunda yo gusura abagororwa muri gereza yigisha ubumwe n’ubwiyunge.

Yaje kugana aho ababyeyi be biciwe Gahanga aza guhura na Bucyana, uyu Bucyana yavuze ko muri Jenoside yari Resiposabule ni nawe wari uyoboye igitero cyishe ababyeyi ba Ngarambe.

Bucyana avuga ko yireze muri Gereza asaba imbabazi arazihabwa arataha, kuba yarahawe imbabazi yarishimye cyane, Ngarambe yavuze ko gutanga imbabazi biraruhura ku wahemutse ndetse nuzitanze. Kuri we avuga ko yagize amahirwe kuko yahaye imbabazi kuwazisabye.

Ubu we na Bucyana babaye umwe n’ishuti niyo igihe cyo kwibuka kigeze bajyana gutanga ubuhamya mu rwego rwo kwimakaza ubumwe n’ubwiyunge.

Biyemeje gutangiza urugendo rw’amahoro bashaka abandi bakoze Jenoside kugirango biyunge.

Umunyamabanga Nshingwabikorwa w’umurenge wa Gahanga Rutubuka Emmanuel mu ijambo ry’ikaze yashimiye abaje muri iyi nteko abasaba kuba umwe nkuko insanganyamatsiko igira iti “kuba umwe niyo mahoro arambye”.

Habayeho kwinikiza inka;

Umushyitsi mukuru arimo guha abana amata ari kumwe n’inzego z’Umutekano na ES Gahanga

Hashimiwe umwana w'umunyeshuri witwa ISIMBI SANDRINE watoraguye umwana w'uruhinja bari bataye,  akarushyikiriza ubutabazi n'ubwo rwaje kwitaba Imana kubera ko yamugezeho bitinze;

Hashimiwe Amakipe y'umupira w'amaguru y'Utugari abarushije abandi bakaba bahawe igikombe;