Kuri uyu wa Gatandatu tariki ya 14 Kamena 2025, nibwo mu Karere ka Musanze hakomezaga imikino ya ½ cy’amarushanwa Umurenge Kagame Cup, Akarere ka Kicukiro kakaba kahagarariwe n’amakipe abiri harimo Ikipe ya “Basketball” ndetse na “Volleyball” mu bagabo.

Ikipe y’Akarere ka Kicukiro ya “Volleyball” ikaba yegukanye itike y’umukino wa nyuma ubwo yari imaze gutsinda Akarere ka Nyanza Seti 3-2.

Ikipe y’Akarere ka Kicukiro ya “Basketball” yo ntiyashoboye kurenga ½ kuko yasezerewe muri iki Cyiciro na Rutsiro ku manota 75-51 ndetse yongera gutsindirwa ku mwanya wa gatatu ubwo yahatanaga na Kayonza, aha naho umukino warangiye Kicukiro “Basketball” itsinzwe 70-64.

Ku mukino wa nyuma uteganyijwe kuri iki Cyumweru, Ikipe ihagarariye Akarere ka Kicukiro ya “Volleyball” izacakirana n’Akarere ka Ngoma .