Mu rwego rwo kurushaho gutanga Serivisi nziza kandi inoze, Ubuyobozi bw’Akarere ka Kicukiro bwashyizeho uburyo butandukanye bufasha abaturage kumenya ibibakorerwa ndetse by’umwihariko bagasobanukirwa uko bagezwaho Serivisi hatabayeho gusiragira mu nzego zitandukanye, iyi nkuru iragaruka kuri Serivizi yo gufasha abavuye mu bigo Ngororamuco.

Serivizi yo gufasha abavuye mu bigo Ngororamuco hagamijwe gushyigikira imishinga yabo ahanini ijyanye n’ubumenyi baba barigiye muri ibi bigo itangirwa ku Karere mu ishami ry’ubuzima n’iterambere ry’imibereho myiza, igatangwa n’umukozi  ushinzwe iterambere ry’ umuryango no kurengera umwana.

Usaba Serivisi agaragaza umushinga uteguye neza uherekejwe n’inyandiko y’Umurenge isaba ko waterwa inkunga , asabwa kandi raporo  y’Umurenge igaragaza ko usaba afite imyitwarire myiza  ndetse na raporo y’isura yakozwe na Komite yo ku rwego rw’Umurenge ishinzwe gukurikirana igororamuco rikorewe mu muryango.

Iyi Serivisi ni ubuntu ndetse ubusabe bwagejejwe ku Karere bwohererezwa Umujyi wa Kigali bitarenze iminsi cumi n’itanu y’akazi.