Kuri iki cyumweru tariki 08 Kamena 2025 nibwo abagize Inteko ishinga amategeko , Umutwe w’Abadepite basoje uruzinduko rw’iminsi ibiri bagiriraga mu Karere ka Kicukiro.

Uru ruzinduko rwatangiye tariki ya 07 Kamena 2025, aho babanje kuganira n’Ubuyobozi bw’Umujyi wa Kigali ku bizibandwaho bijyanye  na gahunda yo gukurikirana imikorere n’imikoranire y’inzego z’imitegekere y’Igihugu zegerejwe abaturage n’izindi nzego mu gutanga Serivisi. Mu biganiro babanje kugirana n’Ubuyobozi bw’Umujyi wa Kigali, barebeye hamwe ingingo zirimo:

• Uko ibibazo abaturage bagejeje ku Badepite byakemuwe;
• Gukemura no gukumira amakimbirane;
• Itangwa rya Serivisi ndetse n’amahugurwa y’abakozi ku mitangire ya Serivisi;
• Ikoreshwa ry’ikoranabuhanga ku buryo umuturage ashobora gukurikirana aho Serivisi yasabye igeze bitabaye ngombwa kujya ku Biro by’Ubuyobozi;
• Ishyirwa mu bikorwa ry’Igishushanyombonera cy’Umujyi wa Kigali ndetse n’izindi ngingo zitandukanye.

Izi ngingo zose Abadepite bakaba barasuye abaturage mu Mirenge harebwa uko zishyirwa mu bikorwa ndetse baganira n’abaturage aho babibukije gusigasira Ubumwe n’Ubudaheranwa bw’Abanyarwanda, Kwirinda amakimbirane yo mu muryango , Kwitabira umurimo ndetse no gusigasira ibyagezweho.

Abadepite bagiranye ibiganiro n'abaturage mu Mirenge yose y'Akarere ka Kicukiro